O Centro Arqueolóxico do Barbanza pon en marcha o programa “Navia, a castrexa de Neixón”, unha iniciativa pensada para que as familias e todas aquelas persoas que o desexen poidan descubrir novos lugares vinculados á arqueoloxía do Barbanza e de Galicia.

✨ A través desta campaña, convidámosvos a vivir unha experiencia educativa e divertida, espertando o interese pola nosa historia e patrimonio. O obxectivo é que as familias e todas aquelas persoas que o desexen exploren enclaves arqueolóxicos ou sitios ligados a antigas lendas, convertendo a aprendizaxe nunha aventura.

🧸 Como parte da actividade, prestamos a boneca Navia para que vos acompañe na vosa viaxe. A única condición? 📸 Enviarnos unha imaxe dela nun lugar de interese arqueolóxico ou asociado a unha lenda. Así, entre todas e todos, iremos tecendo unha viaxe visual polo noso rico pasado.

🏫 Novidade para os centros educativos

Abrimos tamén o programa de adopción de Navia aos centros escolares, ofrecéndolles a oportunidade de contar coa nosa pequena castrexa nas aulas durante un período de entre dúas e tres semanas. Deste xeito, Navia converterase nunha compañeira de aprendizaxe coa que o alumnado poderá achegarse ao mundo da Prehistoria dunha maneira máis próxima, sinxela e divertida. Ademais da boneca, cada centro recibirá varios exemplares dun caderniño didáctico do Centro Arqueolóxico do Barbanza, con pequenas explicacións sobre a Prehistoria recente e diferentes xogos e actividades para complementar a experiencia educativa.

📌 Normas para a actividade de adopción da boneca

Esta actividade inclúe a adopción temporal da boneca Navia por parte dunha familia ou de todas aquelas persoas que o desexen poidan descubrir, que terá como obxectivo fomentar o coñecemento do patrimonio arqueolóxico e cultural.

1. 📷 Compromiso fotográfico:
   A persoa responsable da inscrición deberá enviar unha foto da boneca nun lugar arqueolóxico ou de interese, indicando o nome do lugar. A imaxe pode ser só da boneca ou incluír á familia/ persoa participante, segundo decida o/a fotógrafo/a.
   👉 Esta foto será publicada nas redes sociais.
2. ⏳ Duración da adopción:
   Cada familia/ persoa poderá desfrutar da boneca durante dúas semanas. A entrega farase un sábado pola tarde ou domingo, e a devolución, un venres ou sábado pola mañá.
   📱 Estes prazos serán comunicados por WhatsApp.
3. 🔁 Devolución da boneca:
   A boneca deberá entregarse no prazo establecido para que outra familia/ persoa poida desfrutala.
4. 🗓️ Orde de inscrición:
   A orde de inscrición determinará a quenda de adopción da boneca. Se unha familia non pode recollela na súa quenda, posporase para a seguinte.
5. ❗ Perda ou danos:
   En caso de extravío ou danos graves, a familia/ persoa comprométese a substituír a boneca por outra similar para garantir a continuidade da actividade.